अल्पवयीन मुलांना कायद्याचा धाक नसेल तर पालकांवर कारवाई ! – पुणे पोलिस अल्पवयीन गुन्हेगारी बाबत गभिर.

पुणे : शहरात गेल्या काही दिवसांपासून गुन्ह्यांमध्ये वाढ होताना दिसत आहे. मध्यंतरी शहरात कोयता गँगची दहशत वाढल्याचे चित्र होते. शहरातील लोकवस्तीत हातात कोयता घेऊन टोळी टोळी करुन गुन्हेगार फिरत होते. या टोळक्यांमध्ये काही अल्पवयीन मुलांचाही समावेश होता. अल्पवयीन मुलांचा गुन्ह्यांमध्ये वाढता सहभाग पाहता पुणे पोलिसांनी महत्त्वाचे पाउल उचलले आहे.

अल्पवयीन मुलांकडून तोडफोडीचे गुन्हे घडले तर आता त्या मुलांच्या पालकांवरसुद्धा कारवाई होणार आहे.

पुणे शहरात वाढत्या गुन्हेगारीला आळा बसावा यासाठी पुणे पोलीस आयुक्त अमितेश कुमार यांनी काल वरिष्ठ अधिकाऱ्यांची बैठक घेतली होती. या मध्ये पुणे पोलीस आयुक्तांनी अधिकाऱ्यांना गुन्हेगारी करणाऱ्या टोळ्यांच्या विरोधात कठोर कारवाई करण्याच्या सूचना दिल्या होत्या. पुणे शहरात गेल्या काही महिन्यांपासून अल्पवयीन मुलांकडून हातात कोयते घेऊन दहशत माजवण्याचे प्रकार सुरू आहेत तसचं अनेक ठिकाणी वाहनांचे तोडफोडीच्या प्रकरणात सुद्धा मोठी वाढ होत असल्याने पोलीस आयुक्त यांनी याबाबत आता कठोर पावले उचलली आहेत अल्पवयीन मुलांकडून जर कुठला गुन्हा घडत असेल तर त्याला प्रतिबंध करण्याचे काम त्यांच्या पालकांचे सुद्धा आहे. त्यामुळे जर अल्पवयीन मुलांकडून तोडफोडीचे गुन्हे घडले तर आता त्या मुलांच्या पालकांवर सुद्धा कारवाई होण्याची शक्यता आहे, अशी माहिती अमितेश कुमार यांनी दिली आहे.

तसचं पुण्यात कोयत्याने हल्ले रोखण्यासाठी शहरात कुठे कुठे कोयते विकल्या जातात यावर पोलिसांकडून लक्ष देण्यात येणार आहे. दरम्यान, वाढत्या वाहन तोडफोडीच्या घटना तसेच हातात कोयता घेऊन दहशत करणाऱ्या टोळीला चाप लावण्यासाठी पुणे पोलीस नवी रणनिती आखण्याच्या तयारीत आहेत.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत