ज्येष्ठ अभिनेते ज्युनिअर महमूद हे मागील काही दिवसांपासून कॅन्सरशी लढा देत होते . त्यांची आजाराशी झुंज अयशस्वी ठरली. ज्युनिअर महमूद यांचं गुरुवारी रात्री निधन झालं आहे. वयाच्या ६७व्या वर्षी त्यांनी अखेरचा श्वास घेतला.
ज्युनिअर महमूद यांचे जवळचे मित्र सलाम काजी यांनी दिलेल्या माहितीनुसार, महमूद यांना फुफ्फुसं आणि लीव्हरमध्ये कॅन्सर होता. त्याशिवाय त्यांच्या आतड्यांमध्येही ट्यूमर असल्याचं समोर आलं होतं. त्यांचा कॅन्सर चौथ्या स्टेजला होता. त्यांची तब्येत सतत खालावत चालली होती. ते मागील काही दिवस व्हेटिंलेटर सपोर्टवर होते. अखेर गुरुवारी रात्री त्यांची प्राणज्योत मालवली. शुक्रवारी दुपारी १३ वाजता ज्युनिअर महमूद यांच्यावर सांताक्रूझ येथे अंत्यसंस्कार केले जाणार आहेत.
ज्युनिअर महमूद यांचं खरं नाव नईम सैय्यद असं होतं. १५ नोव्हेंबर १९५६ रोजी त्यांचा जन्म झाला होता. त्यांनी ७ भाषांमध्ये २६५ सिनेमांहून अधिक सिनेमात काम केलं होतं. त्याशिवाय त्यांनी मराठी सिनेमाचं दिग्दर्शनही केलं होतं. बालकलाकार म्हणून सिनेमात काम करण्यास त्यांनी सुरुवात केली होती. त्यांच्या ५० वर्षांच्या करिअरमध्ये त्यांनी सिनेसृष्टीत मोठं योगदान दिलं आहे. त्यांच्या कॉमेडी भूमिकांनी प्रेक्षकांमध्ये मोठी लोकप्रियता मिळवली होती.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
