दिशा सालियन मृत्यू प्रकरणात राज्य सरकारकडून आदित्य ठाकरे यांची एसआयटी चौकशी केली जाणार आहे. साम टीव्हीला याबद्दलचे वृत्त दिले आहे.
अभिनेता सुशांतसिंह राजपूत याची मॅनेजर दिशा सालियान हिचा ८ जून २०२० ला रोजी मृत्यू झाला होता. पोलिसांच्या माहितीनुसार दिशाने आत्महत्या केली होती. पण, तिची हत्या झाली असा संशय व्यक्त करत आरोप करण्यात आला होता.दिशाच्या मृत्युनंतर जवळपास ६ दिवसांनी अभिनेता सुशांतसिंह राजपूत हा आपल्या घरात मृतावस्थेत आढळून आला होता.
या प्रकरणी शिवसेनेच्या उद्धव ठाकरे गटाचे नेते आदित्य ठाकरे यांच्यावर आरोप करण्यात आले होते. तसेच या प्रकरणाची चौकशी केली जावी अशी मागणी देखील केली जात होती.
३ नोव्हेंबर २०२२ रोजी सीबीआयचा एक रिपोर्ट आला ज्यामध्ये झालेले राजकीय आरोप चुकीचे असल्याचे म्हटले होते. तसेच दिशाचा मृत्यू नशेच्याधुंदित १४व्या मजल्यावरुन पडून झाला होता.
दरम्यान दिशा सालियान प्रकरणात आदित्य ठाकरे यांच्या चौकशीची मागणी सातत्याने काही आमदार करत होते, त्यावर गृहमंत्री देवेंद्र फडणवीस यांनी मागच्या नागपूरच्या हिवाळी अधिवेशनात या प्रकरणी SIT चौकशीचे आदेश दिले होते.
दिशा सालियानच्या मृत्यू प्रकरणी नेमके आदित्य ठाकरे त्या वेळी होते कुठे ? असा प्रश्न विरोधकांकडून उपस्थित करण्यात आला होता. त्यामुळे आदित्य ठाकरेंच्या अडचणीत वाढ होण्याची शक्यता आहे.
या प्रकरणी राज्य सरकार आता आदित्य ठाकरे यांची एसआयटी चौकशी करणार आहे. अतिरिक्त पोलिस आयुक्तांच्या नेतृत्वात हे SIT पथक काम करणार आहे. या SIT चौकशीत अनेक पुरावे समोर येणार असल्याची सूत्रांची माहीती आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
