१५ दिवसांपासून जिल्ह्यात नक्षलवाद्यांच्या हालचाली वाढल्या आहेत. भामरागड तालुक्यात उत्तर गडचिरोलीतील कोरची तालुक्यात नक्षलवाद्यांनी एका आदिवासीची हत्या केली. चमरा मडावी (३८, रा. मुरकुटी), असे या व्यक्तीचे नाव असून तो पोलीस खबरी असल्याचा संशय नक्षलवाद्यांनी मृतदेहाजवळ टाकलेल्या पत्रकात व्यक्त केला आहे. पोलीस खबरी असल्याच्या संशयावरून दक्षिण गडचिरोलीत लागोपाठ तीन हत्या केल्यानंतर नक्षलवाद्यांनी आपला मोर्चा उत्तर गडचिरोलीकडे वळवल्याचे चित्र आहे. ‘पीएलजीए’ सप्ताहाच्या पहिल्याच दिवशी २ डिसेंबरला मध्यरात्री कोरची तालुक्यातील मुरकुटी गावातील रहिवासी असलेल्या चमरा मडावीची नक्षलवाद्यांनी गळा आवळून हत्या केली. घटनास्थळावर आढळून आलेल्या पत्रकात चमरा हा पोलीस खबरी असून नक्षल्यांच्या नावावर त्याने अनेकांकडून पैसे गोळा केल्याचे म्हटले आहे. यासंदर्भात पोलीस अधीक्षक नीलोत्पल यांना विचारणा केली असता त्यांनी सांगितले की, चमरा मडावी हा नक्षलवादी समर्थक होता. २०२१ साली त्याला नक्षवाद्यांना बंदुकीच्या गोळ्या पुरवठा करण्याचा तयारीत असताना छत्तीसगडमधील बालाघाट जिल्ह्यात पोलिसांनी अटक केली होती. त्याची बहीण जहाल नक्षलवादी डिव्हीसी मानसिंग होळी याची पत्नी असून तीसुद्धा नक्षल्यांच्या ‘एमएमसी’ झोनमध्ये विस्तार प्लाटून ३ मध्ये कार्यरत आहे, असे त्यांनी स्पष्ट केले.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
