“पुन्हा एकदा पत्नी व मुलाचा खून करून स्वत: आत्महत्या करण्याचा प्रयत्न”,एका व्यावसायीकाची घटना

पश्चिमेतील संतोषी माता रस्त्यावरील एका सोसायटीमध्ये राहत असलेल्या व्यावसायिकाने पत्नीसह सात वर्षीय मुलाची हत्या केल्याचा प्रकार शुक्रवारी उघडकीस आला. या हत्येनंतर व्यावसायिक फरार झाला असून त्याने उशीने तोंड दाबून हत्या केल्याचे पोलीस तपासात समोर आले आहे.

अश्विनी गायकवाड (२७), आदिराज गायकवाड (७) अशी हत्या झालेल्या मायलेकाची नावे आहेत. दीपक गायकवाड असे फरारी व्यावसायिकाचे नाव आहे. आर्थिक विवंचनेतून किंवा घरगुती वादातून हा प्रकार घडला असावा, असा प्राथमिक अंदाज पोलिसांनी वर्तविला आहे.

पोलिसांनी दिलेली प्राथमिक माहिती अशी की, दीपक गायकवाड हा पत्नी अश्विनी, मुलगा आदिराज यांच्यासह कल्याण पश्चिमेतील ओम दीपालय सोसायटीत राहतो. शुक्रवारी सायंकाळी त्याने घरगुती वादातून किंवा आर्थिक विवंचनेतून पत्नी, मुलाच्या तोंडावर उशी ठेवून त्यांची हत्या केली. या घटनेनंतर दीपकने आत्महत्या करण्याचा प्रयत्न केला. तो अयशस्वी झाला. त्यानंतर तो पळून गेला. दीपक गेल्या सहा वर्षांपासून एक वित्तीय कंपनी चालवितो. त्याच्या कार्यालयातील आकाश सुरवाडे या कर्मचाऱ्याला दुपारी दीड वाजता संपर्क करून पत्नी आणि मुलाची हत्या केल्याचे सांगितले. आकाश तातडीने दीपक यांच्या घरी पोहोचला. तेथे दरवाजाला कुलूप होते. त्याने तात्काळ दीपक, अश्विनी यांच्या नातेवाईकांना संपर्क केला. त्यांना घटनास्थळी बोलावून घेतले. दरवाजाचा कडीकोयंडा तोडून कुटुंबीयांनी घरात प्रवेश केला. तेव्हा अश्विनी, आदिराज यांचे मृतदेह बिछान्यावर, जमिनीवर पडले होते.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत