“जरांगे पाटलांनी छगनभुजबळांवर केलेल्या टिकेचे उत्तर भूजबळांनी हिंगोली एल्गार सभेत बोलतांना दिले.

मराठा आरक्षणासाठी आंदोलन करणारे मनोज जरांगे पाटील आणि राज्याचे अन्न तथा नागरी पुरवठा मंत्री छगन भुजबळ यांच्यात गेल्या महिन्याभरापासून संघर्ष चालू आहे. दोघेही सातत्याने एकमेकांवर टीका करत आहेत. “टोळी मुकादमाला आता घरी बसवल्याशिवाय शांत बसणार नाही, म्हातारा झाला असला तरी त्याची खूप गडबड चालू आहे”.  असं म्हणत नाव न घेता मनोज जरांगे पाटील यांनी छगन भुजबळ यांच्यावर टीका केली होती. या टीकेला छगन भुजबळ यांनी उत्तर दिलं. हिंगोली येथे आयोजित ओबीसी एल्गार सभेत ते बोलत होते.

छगन भुजबळ म्हणाले, “ते नवीन नेते आता नवीनच काहीतरी बोलू लागले आहेत. भुजबळ म्हातारे झालेत असं काल म्हणाले. अरे बाबा हो! झालोय म्हातारा, सगळेच होणार आहेत. तुझे माता-पिता म्हातारे झाले असतील. तूसुद्धा म्हातारा होशील.” भुजबळ यावेळी डोक्यावरचे केस पकडून म्हणाले, मला म्हातारा म्हणतोय, पण माझ्या डोक्यावरचे केस एका आंदोलनाने पिकले नाहीत. माझ्या डोक्यावर जेवढे केस आहेत तेवढी आंदोलनं मी केली आहेत. मी कधी जीवाची पर्वा केली नाही. आंदोलन माझ्यासाठी नवीन नाही.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत