बारामतीमध्ये सध्या सुप्रिया सुळे या खासदार आहेत. इतकंच नाही तर या बारामतीमध्ये राष्ट्रवादी काँग्रेसचे शरद पवार यांचं एकहाती वर्चस्व आहे. दरम्यान, अजित पवार हे आता महायुतीमध्ये शिंदे आणि फडणवीस यांच्या सोबत सत्तेमध्ये सहभागी आहे. अशातच चंद्रशेखर बावनकुळे यांचा महासंपर्क अभियानंतर्गत बारमती दौरा आणि या दौऱ्यावर असताना बारामती लोकसभा मतदारसंघाच्या बैठकीत आपल्या बारामती जिंकायची आहे, असे मोठं वक्तव्य चंद्रशेखर बावनकुळे यांनी केले आहे. चंद्रशेखर बावनकुळे यांनी बारामती जिंकायची आहे, एवढंच म्हटलं नाही तर कामाला लागा अशा सूचना देखील चंद्रशेखर बानवकुळे यांनी आपल्या भाजपच्या कार्यकर्त्यांसह पदाधिकाऱ्यांना दिल्याचे पाहायला मिळत आहे. बावनकुळे यांनी केलेल्या या मोठ्या वक्तव्यानंतर आता भाजप सुप्रिया सुळे यांच्या विरोधात उमेदवार देणार का अशा चर्चा दबक्या आवाजात सुरू झाल्या आहेत. तर अजित पवार याला कशाप्रकारे पाठिंबा देणार ? असा सवाल उपस्थित होत असून त्याची चर्चा देखील सुरू झाली आहे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
