एमडी आयुर्वेद प्रवेशात राज्याबाहेर वैद्यकीय पदवी घेतलेल्या मराठी विद्यार्थ्यांची दिशाभूल.

‘निर्णय वेगवान, महाराष्ट्र गतिमान’ अशी टिमकी मिरवणाऱ्या राज्य सरकारने राज्याबाहेर वैद्यकीय पदवी घेतलेल्या मराठी विद्यार्थ्यांची सरकारकडून क्रूर थट्टा चालवली आहे. परप्रांतीय विद्यार्थ्यांच्या तुलनेत मराठी मुलांना 40 ते 50 लाख जादा फी चा बोजा लादला जात आहे. त्यामुळे आपल्याच राज्यात आपल्या विद्यार्थ्यांशी सरकार अशा पद्धतीने वागणूक का देते, असा सवाल केला जात आहे. राज्यात परप्रांतातून अनेक विद्यार्थी एमडी आयुर्वेद प्रवेशासह अभ्यासक्रमासाठी प्रवेश घेतात आणि प्रॅक्टिस करायला आपल्या राज्यात जातात त्यातून राज्य सरकारला काहीच फायदा होत नाही. असे असताना परप्रांतीय विद्यार्थ्यांच्या तुलनेत मराठी मुलांना 40 ते 50 लाख जादा फी चा बोजा आकारून सरकार राज्यातील मुलांनी उच्च शिक्षण घेऊ नये याची तजवीज करते का, असा सवाल आता विचारला जात आहे. मराठी भाषा आणि संस्कृतीसाठी गळा काढणाऱ्या पक्षांनी याकडे गंभीरतेने लक्ष दिले पाहिजे, अशी मागणी पालक करू लागले आहेत.

एमडी आयुर्वेद प्रवेशात महाराष्ट्राचा रहिवासी (डोमीसाईल) प्रमाणपत्र बंधनकारक केलेले नाही. फक्त राष्ट्रीयत्व प्रमाणपत्र बंधनकारक केले आहे. त्यामुळे मॅनेजमेंट कोटातून आलेल्या अन्य राज्यातील या मुलांना पुढे एमडी आयुर्वेदसाठी महाराष्ट्र स्टेट कोटात प्रवेश मिळतो. अशाप्रकारे खासगी कॉलेजमधील परप्रांतीय विद्यार्थी यांचे हित साधले जाते. एमडी आयुर्वेद साठी केवळ 1121 जागाच आहेत. यावरून या प्रश्नाची तीव्रता लक्षात येईल.

महाराष्ट्र शासनातर्फे सन 2023 च्या एम डी आयुर्वेदच्या प्रवेश प्रक्रिया साठी इंग्रजी भाषेत नियमावली जाहीर झाली आहे. यातील. नियम क्र. 2.2 नुसार फक्त महाराष्ट्र राज्यातून पदवी घेणाऱ्यांनाच एमडी आयुर्वेद साठी 85 टक्के राज्य राखीव जागातून (स्टेट कोटा ) प्रवेश दिला जातो. महाराष्ट्रातील रहिवासी (डोमीसाईल ) प्रमाणपत्र असणाऱ्या विद्यार्थ्यास केवळ महाराष्ट्राच्या बाहेरील राज्यातून पदवी घेतल्याने ‘महाराष्ट्राबाहेरील विद्यार्थी ‘ ( Out of Maharastra Candidates) या वर्गवारीत टाकण्यात येते. यामुळे मराठी मुलांना एम.डी. आयुर्वेद प्रवेशाकरिता 85 टक्के स्टेट कोट्यासाठी शासकीय, अनुदानित व विनाअनुदानित कॉलेजमध्ये प्रवेश दिला जात नाही. या मराठी मुलांना नियम 2.2 व नियम क्र. 7.1 ( xiii ) नुसार केवळ विनाअनुदानित कॉलेज मधील संस्था / मॅनेजमेंट कोटातून प्रचंड फी / डोनेशन दिल्यास प्रवेश मिळतो.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत