व्यसनाचे दुष्परिणाम व इंटरनेटचे वाढते प्रमाण तरुणांसाठी चिंतेची बाब : – मारुती बनसोडे

साने गुरुजी विद्यालय व जिल्हा परिषद प्राथमिक शाळा केशेगाव येथे व्यसनमुक्ती मार्गदर्शन शिबिर संपन्न

नळदुर्ग
दादासाहेब बनसोडे

इंटरनेटचे व्यसन ही विद्यार्थी आणि युवकांसाठी चिंतेची बाब ठरत आहे. जगातील सर्वात तरुण देश म्हणून भारताकडे पाहिले जात असताना अमली पदार्थांच्या व्यसना सोबतच इंटरनेटच्या वाढत्या व्यसनाची समस्याही विद्यार्थी, युवती आणि युवकांसाठी गंभीर होत आहे. याकडे गांभीर्याने पाहण्याची गरज आहे, असे मत राष्ट्रपिता महात्मा गांधी राज्यस्तरीय व्यसनमुक्ती सेवा पुरस्कार प्राप्त, नशाबंदी मंडळ धाराशिवचे जिल्हा संघटक तथा परिवर्तन सामाजिक संस्थेचे संस्थापक सचिव मारुती बनसोडे यांनी व्यक्त केले.
दिनांक १९ ऑगस्ट २०२६ रोजी केशेगाव, ता. तुळजापूर येथील साने गुरुजी विद्यालय आणि जिल्हा परिषद प्राथमिक शाळेत विद्यार्थ्यांसाठी व्यसनमुक्ती मार्गदर्शन शिबिराचे आयोजन करण्यात आले होते. यावेळी विद्यार्थ्यांना दारू, गुटखा, सिगारेट, तंबाखू आणि ड्रग्स यांसारख्या व्यसनांचे शारीरिक, मानसिक व सामाजिक दुष्परिणाम समजावून सांगण्यात आले.
यासोबतच सध्या विद्यार्थ्यांमध्ये वाढत असलेल्या इंटरनेटच्या अतिवापरा बाबत ही मार्गदर्शन करण्यात आले. इंटरनेटचा अतिरेक झाल्यास डोळ्यांवर ताण, झोपेच्या सवयींमध्ये बदल, एकाग्रतेवर परिणाम तसेच मेंदू आणि मानसिक आरोग्यावर होणाऱ्या संभाव्य दुष्परिणामांची माहिती विद्यार्थ्यांना देण्यात आली. तंत्रज्ञानाचा योग्य आणि मर्यादित वापर करणे आवश्यक असल्याचे मारुती बनसोडे यांनी सांगितले.
नशामुक्त भारत अभियानांतर्गत नशाबंदी मंडळ महाराष्ट्र, जिल्हा समाज कल्याण अधिकारी कार्यालय धाराशिव आणि परिवर्तन सामाजिक संस्था नळदुर्ग यांच्या वतीने जनजागरण कार्यक्रम आयोजित करण्यात आलेला होता
साने गुरुजी महाविद्यालयातील कार्यक्रम कुंभार सह शिक्षक कुंभार यांच्या अध्यक्षतेखाली संपन्न करण्यात आला सदर कार्यक्रमास विद्यार्थी व विद्यार्थिनी यांची प्रमुख उपस्थित होती जिल्हा परिषद प्राथमिक शाळेतील मुख्याध्यापक प्रकाश कांबळे यांच्या अध्यक्षतेखाली कार्यक्रम संपन्न करण्यात आला
विद्यार्थ्यांना व्यसनमुक्ती विषयक माहिती पत्राचे वाटप करण्यात आले व कार्यक्रमाचे शेवटी उपस्थित सर्व विद्यार्थी पालकांनी व्यसनमुक्ती शपथ घेतली

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत