रत्नागिरी शहरावरतील शिळ धरणावरील जॅक वेल कोसळली.

शहराला पाणीपुरवठा करणाऱ्या शिळ धरणातील जॅक वेल पावसामुळे या जॅकवेलची जमीन खचल्याने ही जॅकवेल कोसळली आहे. सुदैवाने ही जॅक वेल कोसळली त्यावेळी कामगारांनी बाहेर उड्या मारल्याने दैव बलवत्तर म्हणून ते बचावले आहेत. दरम्यान रत्नागिरी शहराच्या पाणीपुरवठा वरती कोणताही परिणाम होऊ नये म्हणून एमआयडीसी व पानवळ धरणातून पाणीपुरवठा करण्याचे सूचना पालकमंत्री उदय सामंत यांनी तातडीने दखल घेऊन पहाटेच सूचना प्रशासनाला सूचना दिल्या आहेत. त्यादृष्टीने आता हा पाणीपुरवठा दुपारपर्यंत सुरळीत करण्यासाठी युद्धपातळीवरती टॅपिंग सुरू आहे.
रत्नागिरी शहरासाठी नवीन पाणीपुरवठा करणाऱ्या योजनेच्या जॅकवेलचही काम सुरू आहे.पण नवीन जॅक वेल चालू करण्यासाठी सुमारे १५ ते २० दिवसांचा अवधी लागण्याची शक्यता आहे. यावर उपाय म्हणून पानवल धरणातून व एमआयडी सी कडून पाणी घेऊन त्याचा पुरवठा शहराला केला जाणार आहे. आज दुपारपर्यंत शहराला पाणी देण्याचे प्रयत्न असून तातडीने काम सुरू आहे रत्नागिरी शहराला लागणारा पाणीपुरवठा हा एमआयडीसी व पानवळ धरणातून करण्याची सूचना पालकमंत्र्यांनी दिल्याची माहिती मुख्याधिकारी तुषार बाबर यांनी ‘महाराष्ट्र टाइम्स ऑनलाइन’शी बोलताना दिली. आज पहाटे जॅक वेल कोसळल्याचे कळताच रत्नागिरी येथील माजी नगरसेवक निमेश नायर,नगरपालिका अधिकारी व कर्मचाऱ्यांनी तातडीने शिळ धरणाकडे धाव घेतली. सध्या नवी जॅक वेल बांधून पूर्ण झाली आहे. ही नवी जॅक वेल सुरु करायची झाल्यास तरी १५ ते २० दिवसांचा अवधी लागू शकतो. त्यामुळे ऐन गणेशोत्सवात रत्नागिरी शहरवासीयांना पाण्याची कोणतीही अडचण होऊ नये यासाठी तातडीने पर्यायी व्यवस्था करण्याचे काम युद्ध पातळीवर सुरू करण्यात आल आहे.

उद्योगमंत्री उदय सामंत यांनी पहाटे पाच वाजता एमआयडीसी सीईओ बिपीन शर्मा यांना सूचना दिल्या. रत्नागिरी शहराला रोज १० एमएलडी पाणी देण्याचा निर्णय घेण्यात आला. या तातडीने घेतलेल्या निर्णयामुळे आज दुपारनंतर रत्नागिरी शहराचा पाणीपुरवठा सुरळीत होईल असे मुख्याधिकारी तुषार बाबर यांनी सांगितले आहे. दरम्यान हा पाणीपुरवठा सुरळीत होईपर्यंत रत्नागिरी शहरवासीयांच्या तोंडचं पाणी ऐन गणेशोत्सवात पाणी पळाले आहे. पण पालकमंत्री उदय सामंत यांनी एमआयडीसीला तातडीने महत्त्वाच्या सूचना दिल्याने रत्नागिरी शहराला तूर्तास मोठा दिलासा मिळणार आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत