जग बदल घालूनी घाव ।
सांगुनी गेले मज भीमराव ।।
गुलामगिरीच्या या चिखलात ।
रुतुन बसला का ऐरावत ।।
अंग झाडूनी निघ बाहेरी ।
घे बिनीवरती घाव ।।
धनवंतांनी अखंड पिळले ।
धर्मांधांनी तसेच छळले ।।
मगराने जणू माणिक गिळीले ।
चोर जहाले साव ।।
ठरवून आम्हा हीन अवमानीत ।
जन्मोजन्मी करुनी अंकित ।।
जिणे लादून वर अवमानीत ।
निर्मुन हा भेदभाव ।।
एकजुटीच्या या रथावरती ।
आरूढ होऊनी चलबा पुढती ।।
नव महाराष्ट्रा निर्मुन जगती ।
करी प्रगट निज नाव ।।
- साहित्यकार अण्णाभाऊ साठे.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
