समितीमध्ये राष्ट्रवादीचे सर्वेसर्वा शरद पवार आणि शिवसेना खासदार संजय राऊत यांच्यासह १४ नेत्यांचा समावेश आहे.
इंडिया आघाडीच्या दोन यशस्वी बैठकांनंतर तिसरी बैठक मुंबईत पार पडली. मुंबईतील बैठकीत इंडिया आघाडीत अनेत समित्यांची स्थापना करण्यात आली. यातील समन्वय समितीची पहिली बैठक बुधवारी १३ सप्टेंबर रोजी पार पडत आहे.
लोकसभा निवडणूक २०२४ च्या जागावाटपाचा फॉर्म्युला आणि रणनीती यावर या बैठकीत सविस्तर चर्चा होऊ शकते. या समितीमध्ये राष्ट्रवादीचे सर्वेसर्वा शरद पवार आणि शिवसेना ठाकरे गटाचे खासदार संजय राऊत यांच्यासह १४ नेत्यांचा समावेश आहे.
संध्याकाळी ४ वाजता शरद पवार यांच्या ६ जनपथ निवासस्थानी ही बैठक होणार आहे. मतांचं विभाजन टाळण्यासाठी विरोधी पक्षांनी लोकसभा जागांवर भाजप उमेदवारांच्या विरोधात एकच उमेदवार उभा केला जावा, यासाठी जागावाटपाचा फॉर्म्युला ठरवला जाऊ शकतो
लोकसभा निवडणुकांच्या जागावाटपाचा फॉर्म्युला, विशेष अधिवेशनाची रणनीती, आगामी निवडणुका आणि लोगोबाबत बैठकीत चर्चा होऊ शकते. देशातील प्रमुख ५ शहरात रॅली काढण्याबाबतही चर्चा होणार असल्याची माहिती आहे.
शरद पवार (राष्ट्रवादी काँग्रेस)
समन्वय समितीचे सदस्य-
संजय राऊत (शिवसेना)
केसी वेणू गोपाल (काँग्रेस)
टीआर बालू (डी एम के)
तेजस्वी यादव (आरजेडी)
अभिषेक बॅनर्जी (तृणमूल काँग्रेस)
राघव चढा (आम आदमी पक्ष)
जावेद अली खान (समाजवादी पार्टी)
लल्लनसिंह (जेडीयू)
हेमंत सोरेन (जे एम एम)
डी राजा (सीपीआय)
ओमर अब्दुल्ला (नॅशनल कॉन्फरन्स)
मेहबूबा मुफ्ती (पीडीपी)
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
