अजित पवार सुनेत्रा पवार यांचे फोटो असलेल्या फलकावर काऱ्हाटी येथे शाईफेक,

बारामती तालुक्यात नेमकं काय घडलं?

पुणे : राष्ट्रवादी काँग्रेसमध्ये गेल्या वर्षी
२ जुलै २०२३ रोजी दोन गट पडले.
त्यांच्या समर्थक आमदारांसह महायुतीच्या सरकारमध्ये सहभागी झाले.
केंद्रीय निवडणूक आयोगानं नुकताच राष्ट्रवादी पक्ष आणि चिन्ह हे अजित पवार यांच्या गटाला दिलेलं आहे. आगामी लोकसभा निवडणुकीत अजित पवार यांच्या राष्ट्रवादी काँग्रेसमधून त्यांच्या पत्नी उमेदवार असतील अशा चर्चा सुरु आहेत.
सुनेत्रा पवार यांना विजयी करावं,
अशा आशयाचा आणि अजित पवार आणि सुनेत्रा पवार यांचे फोटो असलेला फलक काऱ्हाटी गावात एका शेती फार्मच्या मालकानं लावला होता.
त्या फलकावर शाईफेक करण्यात आलेली आहे. रात्रीच्या अंधाराचा गैरफायदा घेत ही शाईफेक झाल्याचं सकाळी समोर आलं. बारामती तालुक्यातील काऱ्हाटी येथे उभारण्यात आलेल्या फलकावर अज्ञात समाजकंटकाने शाईफेक केल्याची घटना घडली आहे. शाईफेकीच्या घटनेमुळं परिसरात खळबळ उडाली आहे..
दरम्यान फलकावर शाई फेकल्याचे लक्षात येताच गावकऱ्यांनी संबंधित फलक उतरवला आहे. काऱ्हाटीतील एका शेती फार्मच्या मालकाने सुनेत्रा पवार यांचा फलक उभा केला होता.
या फलकावर रात्रीच्या अंधाराचा गैरफायदा घेऊन कोणीतरी शाई फेकल्याचे सकाळी निदर्शनास आले. बारामती लोकसभा मतदारसंघातून अजित पवारांच्या पक्षातून सुनेत्रा पवार या लोकसभेच्या खासदारकीच्या उमेदवार असणार आहेत.
त्या पार्श्वभूमीवर सध्या फलक उभारले जात असून,
त्यापैकी एका फ्लेक्स वर काऱ्हाटी गावात शाई फेकल्याने येथील राजकीय वर्तुळात खळबळ उडाली आहे. या बॅनरवर सुनेत्रा पवार यांचा संबंधित फलकावर भावी खासदार असा उल्लेख करण्यात आला होता.
आगामी लोकसभा निवडणुकीत सुनेत्रा पवार यांना विजयी करण्याचं आवाहन करण्यात आलं होतं.
या फलकावर अजित पवार यांचा देखील फोटो वापरण्यात आला होता.

सुप्रिया सुळे यांच्या विरोधात कोण लढणार?

राष्ट्रवादी काँग्रेस
शरदचंद्र पवार यांच्या गटाकडून सुप्रिया सुळे पुन्हा एकदा लोकसभेच्या मैदानात असतील. भा.ज.पा. प्रदेशाध्यक्ष चंद्रशेखर बावनकुळे यांनी बारामतीची जागा अजित पवारांची राष्ट्रवादी लढवेल असं म्हटलं होतं. आता अजित पवार लोकसभेला कुणाला उमेदवारी देणार हे पाहावं लागणार आहे

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत