व्हिक्टोरिया अॅन्ड अलबर्ट म्युझिअम, लंडन येथील संग्रहालयात ठेवण्यात आलेली तसेच अफझलखानाचा वध करण्यासाठी छत्रपती शिवाजी महाराजांनी वापरलेली वाघनखे ब्रिटनमधून भारतात आणण्यात येणार आहेत. छत्रपती शिवाजी महाराजांचा पराक्रम आणि त्यांच्या शौर्याच्या गाथा आजही मनामनामध्ये स्फुल्लिंग चेतवतात. अफझलखानाचा महाराजांनी केलेला वध आणि त्यासाठी वापरलेली वाघनखे, हा इतिहासकारांच्या अभ्यासात नेहमीच महत्वाचा मुद्दा राहिला आहे. आता हीच वाघनखे, ब्रिटनमधून भारतात आणण्यात येणार आहेत असे राज्याचे वने व सांस्कृतिक कार्यमंत्री सुधीर मुनगंटीवार यांनी छत्रपती संभाजीनगरात ही महत्वाची माहिती दिली.
येत्या १ आॅक्टोबर रोजी मुख्यमंत्री एकनाथ शिंदे यांच्यासह लंडन येथे जाऊन ही वाघनखे, मोठ्या सन्मानाने भारतात आणली जाणार आहेत. (Maharashtra) या संदर्भात ब्रिटन सरकारशी तसा सामंजस्य करार झाला आहे. (Aurangabad) ही वाघनखे मुंबईच्या छत्रपती शिवाजी महाराज वस्तू संग्रालयात ठेवण्यात येणार आहेत.
राज्यात छत्रपती शिवाजी महाराजांचा शिवराज्याभिषेक सोहळ्याचा ३५० समारोह साजरा होत आहे. याअंतर्गत ब्रिटन सरकारकडे असलेली वाघनखे परत आणणार आहोत. ब्रिटन सरकारने याला मंजूरी दिली आहे. आम्ही ब्रिटनच्या पंतप्रधानांना भेटून ही वाघनखे त्यांनीच पंतप्रधान नरेंद्र मोदी यांच्याकडे द्यावीत, अशी विनंती करणार असल्याचेही मुनगंटीवार यांनी सांगितले.
ही वाघनखे भारतात आल्यानंतर मुंबईच्या छत्रपती शिवाजी महाराज संग्रहालयात प्रत्येक शिवभक्ताला पाहता येतील. ही वाघनखे पाहिल्यानंतर त्याचे तेज शिवभक्ताच्या डोळ्यातून ह्दयात जाईल, असेही मुनगंटीवार म्हणाले.
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
