इस्रायल आणि हमासमधील युद्धाची तीव्रता दिवसेंदिवस वाढताना दिसत आहे. इस्रायलच्या सैन्याने (इस्रायल डिफेन्स फोर्स -आयडीएफ) बुधवारी (११ ऑक्टोबर) गाझात हमासच्या सैन्य प्रमुखाच्या वडिलांच्या घरासह २०० ठिकाणी बॉम्बचा वर्षावर केला. एएनआय वृत्तसंस्थेने द टाईम्स ऑफ इस्रायलच्या हवाल्याने दिलेल्या बातमीनुसार, इस्रायलावरील हल्ल्यात हमास सैन्य प्रमुख मोहम्मद डेईफची मुख्य भूमिका आहे. त्यामुळे इस्रायलने थेट त्याच्या वडिलांच्या घरावर बॉम्ब हल्ला केला.
इस्रायलने तिसऱ्यांदा गाझातील हमासच्या ठिकाणांवर हवाई हल्ले केले आहेत. इस्रायलच्या लढाऊ विमानांनी हमासच्या ४५० ठिकाणांवर हल्ले केल्याचं इस्रायलच्या सैन्याने सांगितलं. सोशल मीडिया प्लॅटफॉर्म एक्सवर केलेल्या पोस्टमध्ये इस्रायल सैन्याने म्हटलं, “इस्रायल सैन्य सातत्याने गाझावर हल्ले करत आहे. अल फुरकान भागात लढाऊ विमानांनी २०० हून अधिक ठिकाणांवर हवाई हल्ले केले. ४५० ठिकाणांवर हल्ले केल्यानंतर इस्राय सैन्याने केलेला हा तिसरा हल्ला आहे.”
संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा
तसेच खालील वेबसाईटवर Click करा
दैनिक जागृत भारत
