डीजेच्या लेझर बीममुळे पुण्यातील २३ वर्षीय तरुणाने ७० टक्के दृष्टी गमावली.

पुण्यात यंदाच्या गणेशविसर्जन मिरवणुकीदरम्यान लेझर बीममुळे जवळपास १५ नागरिकांच्या डोळ्यांना इजा झाल्याच्या घटना समोर आल्या आहेत. त्यापैकी एक असलेल्या जनता वसाहत भागात राहणाऱ्या २३ वर्षीय अनिकेत शिगवण याची दृष्टी लेझर बीममुळे जवळपास ७० टक्के अधू झाल्याची घटना घडली आहे.

या घटनेबाबत अनिकेत शिगवण म्हणाला की, मी दरवर्षी गणरायाच्या आगमन आणि विसर्जन मिरवणुकीत डान्स करीत आलो आहे. मला कधीही कोणत्याही प्रकारचा त्रास जाणवला नाही. परंतु, यंदा गणेशविसर्जनाच्या मिरवणुकीत जवळपास तीन तास नाचलो. त्यावेळी अचानक मला अंधुक दिसायला लागले. त्यानंतर दुसऱ्या दिवशी डॉक्टरकडे गेल्यावर अनेक तपासण्या केल्या. त्यामध्ये नजरेवर जवळपास ६० ते ७० टक्के परिणाम झाला असल्याचे डॉक्टरांनी सांगितले. त्यावेळी काय करावे सुचले नाही. पण मी आलेल्या परिस्थितीला सामोरे जाण्याचा निर्णय घेतला आहे. आता उपचार सुरू असून, यातून लवकरच बाहेर पडेन, असा विश्वास त्याने व्यक्त केला. राज्य सरकारने लेझर बीमवर बंदी आणावी, अशी मागणीदेखील त्याने केली आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत