केंद्रीय कर्मचाऱ्यांच्या महागाई भत्त्यात तीन टक्के वाढीचा अंदाज

येत्या काही दिवसात महागाई भत्ता वाढणार असून महागाई भत्त्याबरोबरच त्यांची थकबाकीही मंजूर केली जाईल. केंद्र सरकार लवकरच आपले कर्मचारी आणि पेन्शनधारकांना महागाई भत्ता म्हणजेच DA वाढवून आनंदाची बातमी देईल. महागाई भत्त्यात वाढ झाल्याने कर्मचाऱ्यांच्या पगारात वाढ होईल आणि यासोबतच त्यांना अनेक महिन्यांची थकबाकीही दिली जाण्याची शक्यता आहे.
अशा परिस्थितीत सणासुदीच्या काळात कर्मचाऱ्यांना मोठी एकरकमी रक्कम मिळण्याची शक्यता आहे. एक कोटींहून अधिक केंद्र सरकारी कर्मचारी आणि पेन्शनधारकांना महागाई भत्त्यात वाढीचा लाभ मिळणार आहे
केंद्र सरकार सप्टेंबरच्या अखेरीस महागाई भत्त्यात म्हणजेच डीए वाढवण्याची घोषणा करू शकते. म्हणजे नवरात्रीपूर्वीच केंद्रीय कर्मचाऱ्यांना मोठी भेट मिळू शकते. सध्या लागू असलेला DA १ जानेवारी २०२३ पासून लागू करण्यात आला होता तर DA वाढीची घोषणा २४ मार्च २०२३ रोजी जाहीर करण्यात आली होती. त्याच वेळी, गेल्या वर्षी जुलै २०२२ पासून लागू होणार्‍या महागाई भत्त्यात वाढ करण्याची घोषणा २८ सप्टेंबर २०२२ रोजी करण्यात आली. त्यामुळे यावर्षी या संदर्भात सरकार सप्टेंबर २०२३ अखेरीस जुलै २०२३ पासून लागू होणारा महागाई भत्ता जाहीर करू शकते असा अंदाज आहे.

ऑल इंडिया रेल्वे मेन्स फेडरेशनचे सरचिटणीस शिव गोपाल मिश्रा यांनी पीटीआयला सांगितले की महागाई भत्त्यात ३% पर्यंत वाढ होण्याची शक्यता आहे. अशा स्थितीत ३% महागाई भत्ता वाढल्यास एकूण DA ४५% होईल तर, सध्या केंद्र सरकारचे कर्मचारी आणि पेन्शनधारकांना ४२% महागाई भत्ता मिळत आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत