राज्य मंत्रिमंडळाच्या बैठकीत विविध विभागांच्या प्रस्तावांना मंजुरी

आर्थिक सल्लागार परिषदेच्या अहवालाचे आज राज्य मंत्रिमंडळासमोर सादरीकरण करण्यात आले राज्य आर्थिक सल्लागार परिषदेने महाराष्ट्राचे एक ट्रिलियन डॉलर्स अर्थव्यवस्थेचे उद्दिष्ट गाठण्यासाठी ३४१ शिफारशी केल्या आहेत. . मुख्यमंत्री एकनाथ शिंदे यांच्या अध्यक्षतेखालील राज्य मंत्रिमंडळाच्या बैठकीत विविध विभागांच्या प्रस्तावांना मंजुरी देण्यात आली. आता राज्यातील शिक्षण संस्थांना समूह विद्यापीठे स्थापन करण्यास मान्यता देण्यात आली आहे. याबाबतच्या मार्गदर्शक तत्त्वांना मंत्रिमंडळाने मान्यता दिली. यासोबतच राज्यातल्या ग्रामपंचायत इमारतीच्या कामांसाठी निधी वाढवण्यात आला असून बाळासाहेब ठाकरे स्मृती मातोश्री ग्राम पंचायत योजनेलाही मुदतवाढ देण्याचा निर्यण मंत्रिमंडळाने घेतला आहे. तसंच, मंगरूळपीर येथील सत्तर सावंगा बॅरेजला मान्यता देण्यात आली असून या योजनेमुळे १ हजार ३४५ हेक्टर क्षेत्र सिंचित होणार आहे. या बैठकीला उपमुख्यमंत्री देवेंद्र फडनवीस आणि अजित पवार यांच्यासह विविध मंत्री उपस्थित होते. 

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत