आचार संहितेमुळे एप्रिल,मे व जून महिन्याचा लोकशाही दिन स्थगित ?

सोलापूर दि.27:- सर्वसामान्य जनतेच्या तक्रारी आणि अडचणी यांची न्याय व तत्परतेने शासकीय यंत्रणेकडून सोडवणूक करण्यासाठी एक प्रभावी उपाययोजना म्हणून जिल्हाधिकारी सोलापूर यांच्या अध्यक्षतेखाली दर महिन्याच्या पहिल्या सोमवारी लोकशाही दिनाचे आयोजन करण्यात येत असते. परंतु मा. भारत निवडणूक आयोगाने दिनांक 16 मार्च 2024 रोजीच्या प्रसिध्दीपत्रकान्वये लोकसभा सार्वत्रिक निवडणूक 2024 चा कार्यक्रम घोषित केला आहे. प्राप्त निवडणुक कार्यक्रमानुसार पुणे विभागातील सोलापूर जिल्हयांमध्ये लोकसभेच्या सार्वत्रिक निवडणुका घेण्यात येणार आहेत. सदर निवडणुकांची आचारसंहिता दि.16 मार्च ते 06 जून, 2024 पर्यंत लागु आहे.

त्यामुळे माहे एप्रिल, मे व जुन या महिन्यातील पहिल्या सोमवारी आयोजित लोकशाही दिनाचे आयोजन होणार नसल्याचे निवासी उप जिल्हाधिकारी मनिषा कुंभार यांनी कळविले आहे..
शासन परिपत्रक दि.26 सप्टेंबर 2012 मधील मुद्दा क्र.5.7 मधील नमूद तरतुदीनुसार ज्या क्षेत्रामध्ये निवडणुकीकरिता आचारसंहिता लागू करण्यात आलेली आहे. अशा ठिकाणी त्या स्तरावरील लोकशाही दिनाचे आयोजन करण्यात येऊ नये, असे निर्देश आहे. त्या अनुषंगाने आचारसंहिता कालावधीत माहे एप्रिल, मे व जुन या महिन्यात लोकशाही दिनाचे आयोजन करण्यात येणार नसल्याचे, निवासी उप जिल्हाधिकारी मनिषा कुंभार यांनी कळविले आहे.

संपूर्ण महाराष्ट्रातील घडामोडी व ताज्या बातम्या तसेच जॉब्स/शैक्षणिक/ चालू घडामोडीवरील वैचारिक लेख त्वरित जाणून घेण्यासाठी आमच्या व्हाट्सअँप चॅनलला Free जॉईन होण्यासाठी या लिंकला क्लीक करा

तसेच खालील वेबसाईटवर Click करा
दैनिक जागृत भारत